កម្មវិធី Jailbreak TaiG មានជាភាសាអង់គ្លេសហើយ! ~ យុវជនខ្មែរយើង

កម្មវិធី Jailbreak TaiG មានជាភាសាអង់គ្លេសហើយ!

Published on 7:34 AM Category: គន្លឹះពីបច្ចេកវិជ្ជា

TaiG គឺជាកម្មវិធី Jailbreak ថ្មីមួយទៀត មកពីប្រទេសចិនដូចកម្មវិធី Pangu ដែរ ដោយវាមានសមត្ថភាពអាចធ្វើការ Jailbreak iDevice ដែលដំណើរការពី iOS 8.0 ដល់ iOS 8.1.1 បាន។ កម្មវិធី TaiG នេះវាមានភាពងាយស្រួលប្រើប្រាស់ សុវត្ថិភាព ហើយក៏ត្រូវបានធានាដោយលោក Muscle Nerd ដែលជាអ្នកជំនាញមួយរូបក្នុងវិស័យ Jailbreak ផងដែរ។ ឥលូវនេះទាំងវេបសាយ TaiG និងកម្មវិធី Jailbreak របស់វាមានជាភាសាអង់គ្លេសហើយ ដែលអាចអោយយើងងាយស្រួលប្រើប្រាស់វិញហើយ។

លើសពីនេះទៅទៀត ក្រុមអ្នក Jailbreak នេះក៏បានផ្តល់ពត៌មានលំអិតផ្សេងទៀតផងដែរ សម្រាប់អ្នកប្រើប្រាស់កម្មវិធី Jailbreak ក៏ដូចជាអ្នកដែលចង់ដឹងលំអិតពីក្រុម TaiG។ ខាងក្រោមនេះគឺជាពត៌មានលំអិតដែលបានបង្ហាញជាសាធារណៈដោយក្រុម TaiG។

កម្មវិធី TaiG អាចធ្វើការ Jailbreak iOS 8.2 បានហើយ ក៏ប៉ុន្តែដោយសារតែ iOS 8.2 ស្ថិតនៅដំណាក់កាលសាកល្បងនៅឡើយ ក្រុមខ្លួនបានបិទមុខងារ Jailbreak នេះវិញ ព្រោះអីខ្លាច Apple ចាប់ដានបាន និងធ្វើអោយ iOS 8.2 ជំនាន់ចុងក្រោយមិនអាច Jailbreak បានវិញ។
iOS 8.1.1 គឺជាប្រព័ន្ធប្រតិបត្តិការណ៍ដ៏ល្អ និងមានស្ថេរភាពមួយ ហើយទំនងជាដើមឆ្នាំក្រោយទើប Apple បញ្ចេញ Software ថ្មីៗទៀត ហេតុដូច្នេះហើយវាគឺជាពេលដ៏ល្អមួយសម្រាប់អ្នកទាំងអស់គ្នា អាប់ដេតមកប្រើ iOS 8.1.1 និង Jailbreak ដោយប្រើកម្មវិធី TaiG។
ក្រុម TaiG ត្រូវបានចូលរួមដោយអ្នកខ្លាំងក្នុងជំនាញ Jailbreak ហេតុដូច្នេះហើយក្រុមខ្លួនមានជំនឿចិត្តខ្ពស់ ក្នុងការ Jailbreak iOS អោយបានរហ័ស និងមានសុវត្ថិភាព។
ការ Jailbreak មិនមែនជារឿងងាយស្រួលប៉ុន្មានទេ ហេតុដូច្នេះហើយក្រុម TaiG សង្ឃឹមថានឹងអាចធ្វើការសហការជាមួយក្រុមខ្លាំងដទៃទៀតបាន ដូចជាក្រុម Pangu ជាដើម។
TaiG អរគុណដល់អ្នកប្រើប្រាស់មួយចំនួន ដែលបានរាយការណ៍ពីបញ្ហាទាក់ទងនឹងកម្មវិធីនេះ ហើយខ្លួននឹងដោះស្រាយបញ្ហានោះអោយបានកាន់តែឆាប់។