ដំណោះស្រាយពេលមិនអាច Update ឬ Restore iPhone 5 ~ យុវជនខ្មែរយើង

ដំណោះស្រាយពេលមិនអាច Update ឬ Restore iPhone 5

Published on 5:31 AM Category: គន្លឹះពីបច្ចេកវិជ្ជា

អ្នកប្រើប្រាស់ទូរស័ព្ទ iPhone 5 ដែលចូលចិត្ត iOS សេរ៊ីថ្មីៗ ដូចជា iOS 7 ជាដើម ប្រហែលជាធ្លាប់ជួប ឬធ្លាប់លឺបញ្ហា្ដែលបណ្តាលមកពី ការប្រើប្រាស់កំណែប្រែ iOS beta ដែលជាទូទៅលោកអ្នកត្រូវមានគណនី Developer ID របស់ Apple ទើបអាចទាញយក ឬ Update បាន ។ យ៉ាងណាមិញ លោកអ្នកដែលទាញយកពីប្រភពឥតគិតថ្លៃ (Pirate File) ប្រាកដជាជួបបញ្ហាមិនអាច Update ឬគាំង ហើយទាមទារឲ្យ Activate ទូរស័ព្ទជាដើម ។ ពេលដែលទូរស័ព្ទអ្នកមានបញ្ហានេះហើយ សូមចងចាំថា ទិន្នន័យទាំងអស់ក្នុងទូរស័ព្ទរបស់អ្នកត្រូវបានបាត់បង់ តែអ្នកអាច Restore ពី Backup នៅក្នុង iTunes បាន បើមាន ។

បញ្ហាខាងលើអាចឲ្យទូរស័ព្ទ iPhone 5 អ្នកទៅជា៖

Restart រហូតតែមិនបង្ហាញ Home screen
Update ឬ Restore មិនបានជោគជ័យ ហើយមិនស្គាល់ iTunes ពេលដោតភ្ជាប់
គាំង ហើយបង្ហាញ Apple Logo យូរជាង ១០ នាទី ។

ចំណាំ៖ បើទូរស័ព្ទអ្នកមានបញ្ហា ហើយពេលដោតជាមួយកុំព្យូទ័រ វាទារ Restore ជាមួយ iTunes ដោយលោតចូល Recovery Mode សូមលោកអ្នក Restore រហូតទទួលបាន Firmware ដើម ដោយទាញយកពី Apple Server ដោយផ្ទាល់ (ចំនាយពេលប្រហែល ១ ម៉ោង យោងតាមល្បឿនអ៊ីនធើណេត)

របៀបកំណត់ចូលទៅក្នុង Recovery Mode

ត្រង់ចំណុចនេះ សម្រាប់តែប្រភេទទូរស័ព្ទ iPhone ណាដែលមានបញ្ហាហើយ ពុំស្គាល់ជាមួយ iTunes ឬមិនអាចចូលទៅកាន់ Recovery Mode បានតែប៉ុណ្ណោះ ។ ដើម្បី ចូលទៅ Recovery Mode សូមអនុវត្តន៍តាមជំហានខាងក្រោម៖

ដកខ្សែ USB ចេញពី iPhone ប៉ុន្តែដោតខ្សែម្ខាងទៀត ជាមួយកុំព្យូទ័័រឲ្យហើយ ។
សូមបិទទូរស័ព្ទតាមធម្មតា ដោយចុចប៊ូតុង Power ឲ្យជាប់ប្រហែលជាពីរ ឬបីវិនាទី រួចទាញ Slide បិទ ។
ប្រសិនបើមិនអាចបិទតាមធម្មតាទេ សូមចុចប៊ូតុង Power និង Home ផ្គួបគ្នាឲ្យជាប់ នោះវានឹងបិទ ។
សូមបើកទូរស័ព្ទមកវិញ ដោយចុចប៊ូតុង Home ឲ្យជាប់ នៅពេលជាមួយគ្នានោះ សូមដោតភ្ជាប់ខ្សែ USB ពីទូរស័ព្ទទៅ កុំព្យូទ័រ (ចុចប៊ូតុង និងដោតខ្សែឲ្យដំណាលគ្នា) ។ បើអ្នកឃើញរូបដូចខាងក្រោម (អស់ថ្មពេក) សូមដាក់សាកវាចោល ប្រហែល ១០នាទីសិន ចាំបើកវាវិញ ។
សូមបន្តចុចប៊ូតុង Home រហូតឃើញផ្ទាំង “Connect to iTunes” ។ ពេលឃើញផ្ទាំងនេះហើយ សូមលែងដៃវិញ ។